Тилдер

Аллах: "Мен силер менен биргемин

“Мени эстегиле, Мен да силерди эстейм. Мага шүгүр кылгыла жана Мага каапырдык кылбагыла.” (Бакара 152-аят)

Намаз убактысы

Багымдат
03:23
Күн чыгышы
05:23
Бешим
13:04
Аср
18:01
Шам
20:23
Куптан
22:10

Ооганстанда Жогорку соттун жанындагы жардыруудан 20 киши мерт кетти

Кабулда Ооганстандын Жогорку сотунун имаратынын алдындагы жардыруудан кеминде 20 киши мерт кетип, дагы 48и жаракат алды.

Бийликтин маалыматы боюнча каза болгондордун арасында аялдар менен балдар да бар.

Полициядан билдиришкендей,7-февралда жөө жанкечти унаа токтотуу жайында соттун кызматкерлери автобуска отуруп жаткан маалда жардыруу жасаган.

Азырынча кол салууга эч ким жоопкерчилик ала элек, бирок Талибан кыймылы 2013-жылы сот имаратына ушундай эле чабуул жасап, жыйынтыгында 13 жай тургун каза болгон.

2016-жылы Ооганстанда зомбулук аракеттеринин жыйынтыгында дээрлик 11 жарым миң жай тургун каза болуп же жаракат алышса, алардын үчтөн бирин кичинекей балдар түзгөн. Мындай маалыматты 6-февралда БУУ жарыялады.